Egunsenti izoztua

Egunsenti izoztua. Bat-batean

gaua beltz luzearen ondotik

trenaren etengabeko ritmo hirukoia

mutu geratu zen. Isilune izoztua

bat-batean. Jaun Zuria.

Urrutitik etorri amets zurrunbiloa

bata bestearen ondotik

marmol-irudi bihurtu zen.

Multzoaren ale guztiak

bata bestearen ondoren

etenik, bereizturik

A-le-rik-a-le-bat-ba-te-an

ba-kan-du-ak-a-le-tu-ak.

Ene iratxoetan iharrenak enekin neramazkien

zazpi-urte-geroz gibeleratuak.

Denbora etena. Geldo gotortua.

Ene begiak handiz handi ireki nituen

eta kolpean berriro hiriko

kalbario mendia agertu

mixeriazko txabolak

lerroz lerro lurrean etzanik

doi-doiak muinoari atxikiak.

Mendi muino kaskamotza

mixeriaren azidoak errea.

Azken egunean agian

gizonaren soada daitekeen bezalakoa.

Hemen zegoen egon gizona

txaplata beltz iduria

errukigabeko eguzkipean

bidexidorrean kiskaldua

hari litsetan xahutzen ari den

marrazki beltz asaldatua.

w1969