Bien artean

Gauaren erdian entzungo duzu bere ahotsa

ezin egonik, larritasun bizitan

isiltasunerantz bultzaka garbitu beharrak,

oinazean, heriotzan eta tristura betean

desesperantza gainezka

hutsunera erori zorian

maite gaituen begiaren

babesaren beharrean

engainamenduaren festa-buru gauean

algararen txorabioan.

Baina egungo ta biharko egunaren artean

bitarte izugarriak ezarriko ditut

eta goizalba soilean izanen naiz.

Zentzuzko gauzetarantz

abiatuko zara zuzenean.

Ederrena izanen zara, garbiena, egokiena,

zeure neurri justuan.

w1965