Zoriona, zorionttoa

Kantatu nahi dut kanta bat

axola gabe

inorentzat

haizeari beharbada

beharbada itsasoari.

Edozein blues

azken modako airea,

hoxkira honek ene gorputzean iraun artio

eguzki eskax hau ezkutu artio.

(Dios, zer da zoriona zorionttoa atsegina?)

Minutu batean ardurarik gabe egotea minutu honetan

ixtantearen laburrunean.

Edozein gauza zoriona da

zorionttoa

besterik ezean.

Edozein une ona da bizitzea

Edozein kanta axolarik gabe kantatzea:

                  koblatzen dudalarik

                  (aire banal bat)

                  zaude loak harturik

                  gauezk' ametsa bezala

                  ene kantua zautzula.

w1962 (Liège)