Paranoia

Zurrun gor bat kateetan dilindan

Arimako urkabe goratik:

Euli beltzek botzezko firrindan

Jan arren, hor dago beti zutik.

Haur ilortu baten hezurtxoak

Neska-lehen-odolaz nahasiz

Egiten du sorgin den atsoak

Maitagailu bat, on dena guziz.

Guk ordea zer dagigu hemen

Kantatuz goiz-arrats Miserere,

Minak oroit gure zahar amen

Eta zainduz, ez jakinik ere,

—gure symbol eta gure itzal—

Urkatu haur urkabean martzal!

w1955