Oroituz

Zaldi beltzak irrintzika zeuden;

sutan ziran inguruko zelai

gorak. Hartzen genduen atseden,

alargunen intziriez alai.

So ziraden, bekaitz, saiak oro

giza-hiroz ok egin beharrez.

Garoetan neska sabel naro

zaurituen odola nigarrez...

Gau joriak zital hotz zerion:

geure bihotz-min-gai 'ta zorion

oroitua gizaldiz gizaldi.

Lagun! Hilkar-lore-baratzetan

genbiltzanok, ilargi zuritan,

noiz dukegu, diztirant, Eguerdi?

w1950

Musika: Imanol