Bekarte hegazti desiatuek

egarri dudan bihia

harea kamuts honetarako

golde zuzenezko hazia

zuhaitz lerden abarotsuetan

zoritutako bihia.

Nire ezpainak ernari bitez

ur-latsaren amodioz:

hura laztanduz nire musuaz

lats-harriko goroldioz

ta oskarbi leunen estalkiak

galduriko hodei-lainoz.

Ugabera jolaskorren gisa

nabilke jauzi-murgilka

oihaneko usain hezearen

urrun-zantzuei segika:

ur berean urkide zaituzket

zu, ene perla-mertxika.

w1982