maitea maitea

disken ahurretan irakurri ditut milioika fereka

orbelari erortzean aditu murmurio amoratuak

eta galdetu diet gure egunez

begi isil horien esanguraz

gero han bion gorputzak berrezagutzean

bortizki erlojuen tik-takek

basamortu mutuak

gortina zahar baten gibeleko horma hilak

elkarrengandik urrundu gaituzte

maitea maitea

orain itsasaldera hartuko dugu

aire fresko gazien

kresala harroaren plazerrera

eta uretan barrena azken undinaren kaira