Beti saminez

Mendi-ibarren

Gainetikan

Eguzkiak

Argi dagi.

Eta atzo lez.

Egun berdin.

Musu egitean lenengo izpiak

Barruko samina iratzarri zidak.

Gabaz ere,

Inguruan

Amets txarrak...

Bela beltzak

Egazean

Eten bage...

Ta beti saminez bizi nauk lurrean

Arantz-narra sartu ezkero biotzean.

Ara... An ziak

Itsas-zear

Itsasontzi

Bakartia,

Aizoiala

Zabaldurik.

Ala ere nire barruko saminak

Neurekin iarraitzen omen nai gaizkinak.

Iaia da-ta,

Nire iantzi

Apainenaz

Iantziko nauk.

Nire biotz

Sakoneko

Arantz zorrotzaren biotz-min latz ori

Erakutsiko ez diot nik inori.