Josu Ormaetxea Antepara
Hamaikagarrenez, maitatzearen tinkotasunez
Zortziko Nagusia. Abesteko, adibidez, Sarasua anaien «Saltarina da txepetxa eta / izua birigarroa...» edo «Pello Errota» edo «Pello Josepe» edota Lazkao-Txikiren «Nik beste inork bai ote zuen /bertsularitzarik maite...» bertso-doinuak erabili.
Hamaikagarren urtean
beti legez bete-betean (bis),
ez oraindik itzali zuen
dirdira gure lurrean,
eta ziur izan; ez da itzaliko
gu bizirik gauden artean (bis)
1
Ezarria da legekeria,
ez da gehiago legea.
Aznarri esker gezurra dugu
edonon jaun ta jabea.
Nori axola zaio Europan,
Herrien Eskubidea?
Estatuari morrontza baita
derrigorrezko trantzea.
2
Euskara ROLLO MAKABEOA,
torturaren gisakoa,
kontra jotzea besterik ez da
euskaldunaren asmoa;
Españak ez du ASASINATZEN,
on-gi i-ka-si ban-do-a!
edo berakin lerrotu edo
zuentzako akaboa.
3
Neketsuetan ohi da azaltzen
norberaren itzelena,
pentsatuz noizbait lortuko dugu
aske-nahirik maiteena-,
Edonork ez du heriotzari
aurre e(g)iteko kemena.
Elkarren bultzaz sendo goratu
guretarik hoberena.
4
Heriotza dut aitatu, baina
ez neba-arrebik miñenak,
Patxi, Iñaki ta Jokin legez
brodaturiko izenak,
handiari kosk egiten ausartu
ziren gudari gardenak,
historiaz gaindi gure egian
betiko bizi direnak.
Errieta (norberak jakin nori)
Hamarreko handia.
Abesteko, adibidez, «Txepetxa»ren bertso-doinua erabili.
Euskara gure hizkuntza dela
esaten dugu askotan,
baina benetan ez du ematen
hori zaigunik inporta
erdara hutsez aritzekotan
...lanean gaudelako da,
eta jaietan egonez gero?
...orduan aski da jota!
Noiz ote gara hasiko zaintzen
geurea omen den errota?
Lehenean bezala
Zortziko Nagusia.
Abesteko Txoriak eta txoriburuak edota Pello Errota bertso doinuak erabili
Agur Iñaki, Patxi ta Jokin,
aurten ere kartzelatik,
ospa eiteko abilezia
ez dudalako oraindik.
Zuen erako gizon-emazte
tankerarik al daukat nik?
Noski! nik neuk be sinistuz gero
aske bizi ahal denik.
Hamar urteko ibilbidea
akatu zintuztenetik,
atzo izana dirudi, baina
zama astun da gainetik,
oraino ez baitu Euskal Herriak
jotzen berezko bidetik,
frantses-español morrontzapean
lotuta jarraitu baizik.
Aurrera! dio barne indarrak,
adimenak ta bihotzak,
ekin ta ekin mozten direla
kateak eta izotzak!
Ez gara jauntxo batzuen morroi
edo menperatu motzak,
etsi gabeko jarreraz, beste
itxura dauka laiotzak.
Itsaso
Zortziko Txikia.
Abesteko, esate baterako, Markesaren alaba bertso-doinua erabili
Ilobari bertsoa
idaztera noa,
albo batera utziz
hotza ta beroa.
Antxintxiketan dabil
egunerokoa,
ta egunero dugu
gorpuzten geroa.
![]() |
Josu Ormaetxea Antepara
1958
Urbina
1984an sartu zuten espetxean.
Granadako Alboloteko espetxean dago.
C.P. de Granada
Apdo. 2062
18.080 Albolote
Granada |