Hi oroituz

Ez haut gehiago

            futbolean ikusiko

                                    eskolan

irribarre zabala

esku gogorra

ez haute gehiago

            eskolatik botako

lehen greba gogoratzen?

            Garai ilun sotanadunak

nondik ote miseria horri eusteko

                                    horrenbeste kemenik?

Hire esan beharrak

                apaizak hainbestetan biluztu...

Sasoi zailak

barre erraza

irrintzi adolezentea

            kamioi alu batek itorik!

Iadanik pirerik ez

hamaika zigarro ezkutu

          hire dena zapaldua...

Zimentuari aurpegia emanez

                  —hi horietakoa bait hintzen—

ez gaituk gehiago

                ondina urdinen atzetik

                                        ibiliko

baina orain eta beti

                hi nagusi

                          lagun.