HORRATZULOA

Begira ezazu horratzuloan zehar

eguzki printzetan zamalkatuz

gameluak zeruko ateetan sartzen.

Horratz muturreko zuloan, ostera,

zoriona horiki barruratzen

zainetan, Berenice, zainetan.

TNT, bai, TNT.

Ez da halere siglen kontua,

usapalen hegalkera armoniotsuak

betetzen ditu goiz

ak eta aldeago eragiten arrats

aldeak, espazioa falta bait dute.

Sinagoga bait luketeen ai

rea errepara iezaiezu buruskako

txanotxo antzeko koroiei eta

esaidazu ez ote duzun rabin

o bat ikusten, beha horratzuloan zehar,

usapal guztietan rabino bat. Ele

fanteak zeruko ateetan ateoki

sartzen eta muturreko zuloan ler

dea-deus-horiki-horiki zainetara

isurtzen flash hormak gorri

tuz odolak. Tenploan sakrifizioa prest;

barran arnoa, Bertenice, eztarrietara.