Egutegi esperimentala
Egutegi esperimentala
1986, poesia
96 orrialde
84-398-5463-X
azala: Kaekus
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1985, poesia
 

 

Strauss entzuten

Halaxe mintzo zen Zaratrusta

 

 

Badakit —ondo jakin gainera—

ez dudana sekula be

eternitate apurñorik be

eskuratu ahal izango.

Jakin badakit

eternitate hitza bera be

ez dena besterik kimera baino,

gure diskurtsoa

hutsala eta alferrikakoa dena.

 

 

 

Ur tanta,

beste miriadaka tantarekin

itsasorako bidean

erroa zabaltzen duen ibaia.

 

 

 

Itsasoa;

lurrun

eguzki galdatan.

 

 

 

Haurtzaroa?

Itsasora begira nengoelarik,

askatasuna amets

kaioen hegaladetan zentzuna galduta,

orain preso naukan

gotorleku honen lehen harritzar

erraldoiak ezartzen ari

ziren garai hura.

 

 

 

Gaztaroa?

Hormatzarron aurka ari nintzela,

ene baitan

beste milaka gotorleku;

gotorlekuotan, gartzelak;

gartzelotan preso

neu;

behin eta berriro, neu

preso.

Haurtzaroan

neure inguruan eraiki zuten

gotorleku erraldoiko hormatzarren aurka nenbilela

nire barruan

beste milaka gotorlekutako

hainbat gartzeletan

preso nindutena

ohartu nintzen

garaia,

Gaztaroa.