Mugarrien garraioan
Mugarrien garraioan
1986, poesia
40 orrialde
84-398-5749-7
azala: Joxemi Zumalabe
Rafa Egiguren
1948, Hernani
 
2007, nobela
2002, poesia
 

 

Muxu batez seinalatua zeukak

amaraun planetarioaren ezker aldera

helburu gisa txoko txiki bat;

 

bere begien atzeko pentsutan zetorrek

beste zerbaiten izenean bahiturik.

 

Bihotzaren azpi-doblean zekarrek

irtenbide ezin baten erretrato robota;

 

kutxa beltz batean gordeta zeramak

amore eman beharraren kasketaldia.

 

Hala ere, irrifarrez zebilek ozar

begi urdineko Zepelin baldar hori...

 

Izan ere,

              gaur egunean hegazkinak dituk

munduko animaliarik ikaragarrienak.