Ez hortan bukatu

ez desegin

gitarra jotzeko balio duten behatzak

    hortzekin ezin baita;

ez apurtu

lepoaren gustorako erabili daitezken

    hortz zorrotz horiek;

ez hautsi

    plazerrez okertu eta luzatzen den lepoa.

ez begirik atera

    eguzkia hor dago,

ez lehorrarazi

    mundu heze gozagarria,

ez ezbeharrera behartu

    inor inoiz,

eta ito

    azken pisuko lehiotik zintzilikatzen den

    ilusio apur gizarajoa