Itxastxorien bindikapena
Itxastxorien bindikapena
1985, poesia
94 orrialde
84-398-3095-5
azala: Fernando Sanz
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1986, poesia
 

 

Tristuraren inbentarioa berrikusi dut

oraintxe bertan arretaz

sobera legokenagatik

txarto burututako eragiketengatik

zenbaki gorriengatik

apur bat denarengatik

bildur mehe batez

          Zifra bakoitza bere toldan

          datak portzentaiak zorrak

          zigiluak helbideak

          ondo enkasilatuta

          aurkitu ditut

Ametsetan emandako musua

ezpainetatu zaidan arte

orduan konturatu bait naiz

errealitatetik ametsetara

dagoen alde infinito hori

ezin dezakedala

inola ere inbentarian sar

          Apurtu egin dut bai

          apurtu

          apurka apurka

          apur txikiena ere

          eta tristurarekin geratu naiz

          tristurarekin soilik

          ametsetan emandako musuari

          distantzia infinitotik

          tristura infinitoz begiratzen

Ametsetetatik errealitatera

dagoen tristuragune infinitoan.