Gauzurtz baten izenak asmatzen
Gauzurtz baten izenak asmatzen
1985, poesia
80 orrialde
84-398-2558-7
azala: Joxemi Zumalabe
Eneko Olasagasti
1960, Donostia
 
1983, poesia
 

 

Beyrouth-1

 

Metraila telebistan

eta haur begiek goruntz begiratzen dute

etorkizunarekin sinestezinik

—lurrak bakarrik du etorkizuna—

irakur daiteke eskonbro zati batean,

haurrak goruntz begira.

Makina baten zarata, oskorriak

                                  artifiziozko laino ximelak,

artearen azken lorpena bilatu duten

hilotz barne odolduak.

Heriotz txistuaren abisoa

artifiziozko suekin nahasten da,

haurrek goruntz begira nahiezean

eskua luzatzen diote lehen arnas beroari.

 

                  Vallejok haurrei hitzegin zien

                  haurrekin negar egin zuen,

                  haur horien haurrek hazi eta

                  Cesar Vallejogatik negar egiten dute.

Eta bien bitartean gu...

...kilometrotara

Beyroutheko malkoaren epistola

ezin idatzian gaude,

              absurdoaren kronistak.