Egun, xuriz jantzi naiz.

Badakizu?

Udaberrietako herrien omenez.

Arratsaldean,

espaloietan zehar

abiatu naiz, eta

krabelin gorria eskaini didate.

Eta hostroetarat

ixuri zaizkit

nigar puxketa bi.

Badakizu?

Diximula barik.

Halaber,

txokoetako poetari

inguratu natzaio

diximula barik.

Eta krabelina luzatu diot.

Para hoy! Para hoy!

entzun dudanean,

krabelina luzatu diot.

Eta begiak zabalduz,

hezetu egin du

lurrun oro.

Zu orain,

hitz hauek eskuetan,

gogoratzen zait

zure pentsatzea.

Burua jaso

eta amilduren balitzaizu hezerik,

oro suntsituren zenuke hitza.

Burua jasotzen baduzu zeruetarat,

poema zaizu

eskuetan deusezturen.