LANERAKO BIDEA

giltzari eman eskuaz enbragea sakatu

ezkerreko pedala zapaldu

beste eskuarekin erregaiari bidea ireki

ziztuan atera da bi gurpilen gainean

mendatean gora

errebuelta bat gero bestea

pendulua errepidean

zuzengunean hondoraino azeleragailua

kamioi bat aurreratu

ustekabean traktorea bidera

sigi-sagan badaki garaiz dabilena

txistu-hotsa belarrietan

beheko bidegurutzean eskuinetara

autobidean sartu

euli bat lehertu kaskoaren kontra

laster da ofizina atarian

aparkatzean arnasa hartu berriz

atzeko kutxatik ordenagailua atera

eta lantoki barrura

irribarrea ikusi diote

oraingoan ere osorik atera da in itineretik