BASOAN

Hosto euria ari du

izpien artetik

dena dago garbi

dena dago heze

poliki goaz orbela zapaltzen

goroldioa, bare likatsuak

isurtzen ari naizen odola

metal koloreko kakalardoak

eta zerurantz doazen pagoak

azpiko bizitza dakarte azalera.

Ibilian goazela aita oroitu da

hemen egin zutela behinola lo

baso azkeneko eremu lauan

erreka hotsa behetik eta

mendia ihesbide bakar

hamahiru urte zituzten eta

ezerez honi irekita begiak

erreka hotsa behetik eta

mendia ihesbide bakar.