IMENASA 51

O, ingeniariaren pozak!

Lokomotorarekin joatea!

Lurrinaren burrunba entzutea, txilio alaia,

lurrinaren txistukada, lokomotora irribera!

Erresistentziarik gabe bultzatzea

eta distantzian azeleratzea.

Walt Whitman

Muntaia katearen amaierako balbula hautsi zen.

Kapatazak bulegora deitu zuen Echarte pobrea.

Esan zion:

— Echarte pobrea, balbula hidraulikoa hautsi da,

ezin gara Gasteiztik noiz etorriko zain egon,

bi ordu dauzkazu berri bat egiteko.

Ordubetera Echarte pobreak kapataza

deitu zuen bulegora eta mahaia seinalatu:

— Egin dut balbula hidraulikoa, Vidal jauna.

— Oso ongi.

— A, eta tiraderan beste bat daukazu.

1913an jaio zen Emiliano Echarte Aguinaga,

Elortzen. Iruñean 2005ean hil zenean

Etxarte Aginaga deitzen zen.

Baina Imenasako urte guztietan

Echarte pobrea izan zen,

enpresako zuzendaritzako

Echarte aberatsarekin ez zuelako inolako

harremanik: ez familiarrik ez bestelakorik ere.