AZUKREA

Bakarrik Venezian

Bianca & Romeo

giltzarrapo eta guzti

Lorenzo & Fiorella

zubi guztietan labaindu nintzen

Gianna & Carlo

azukrea labainkorra da.

Ez al zen nahikoa lan

zubientzat

selfie-makiladun irribarre kariatuentzako

marko mainstream

bilakatu izana?

Sarraila batzuk ez dira

sekula zabaltzen.

Giltzak betiko galtzen dira,

edo ez ditugu topatu gura.

Praktikoagoa da

bizikleta estatikoarentzako

kandadua erostea.