Analfabetoa
Analfabetoa
2019, poesia
88 orrialde
978-84-17051-29-7
Azaleko irudia: Asier Mendizabal
Azalaren diseinua: Lander Muñagorri
Iñigo Astiz
1985, Iruñea
 
2012, poesia
 

 

ESANAHIA

 

 

Bizi dugun sasoiari buruzko tratatu bat

idazten dute hiriko argiek zeru urrunean.

 

Gutxienak piztuko zituen sexuak, baina

fede moduko honi eusteko nahikoa zait

 

iluntasunean gorputzek beste gorputzak

haztamuka bilatzen dituztela gogoratzea.

 

Halako zerbait ikusiko zuten garai batean

konstelazioak deszifratu zituztenek, eta

 

kaosari tarteka gurdi itxura topatu arren

ez ziren sentituko gu orain baino ziurrago.

 

Xamurragoa behar luke elkar desio dutenek

gauez elkarren laztanak topatu ahal izatea,

 

baina ez dut uste utziko dietenik gure irritsei

sekula mundua oinazetik urrun gidatzen.

 

Lo ere hegan jarraitzen dute zenbait hegaztik

nahiz eta ilunean ezin diedan hegaldia irakurri;

 

bestela ere ez naiz gai zain ditugun zeinuetan

biharamun osoago baten zantzua bereizteko.

 

Oraingoz bare noa ikasten zu zarela ohe alboan

mintzo zaidan zure arnasaren esanahia.