Disoluzio agiriak
Disoluzio agiriak
2019, poesia
128 orrialde
978-84-17051-23-5
azala: Xabier Gantzarain
Jose Luis Otamendi
1959, Azpeitia
 
2022, poesia
2014, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

OPORRETAKO ARIKETA

 

 

zorriak orri artean nola

gordetzen naiz

oroitzapen isla jauzkaritan

aireari

kresal lurrina ostu

hilabetez

irakurri hostoak berritu

eta esan:

gutaz mintzo ziren agiri haiek

 

ortzi azulak estu hartzen nau:

nola ikas

aro gogor honen azken notak

nori eman

hobi komuneko sarbideak

agurrean

irri-irudi bat eskatzen da

ahanzteke

hitzik egin gabe joan direnak

 

etorriko dira berriro udak

herren samar

hemengo manera traketsean

neguz enpo

edo beroaz gose akaso

baina zinez

ekarriko ahal dute justizia

amiρi bat

eta haren aldeko ekina

 

udaminak gauzka aitzinean

parez pare

horregatik nago ni haserre

galdu baita

gauzak aldatzeko aukera bat

eta berriz

garaile atera den kapitalak

ar, tente

higatzen dihardu esperantza

 

zuzentasun bila nabilela

huts egin dut

beste ahalegin bat

ordu batzuk, zor handiak

egin gabe utzitakoekin

izen pila

metatu da ozen itsas zolan:

entzun adi

gutaz mintzo dira hildakoak

euren heriotzako atsedenaldian