Goseak janak
Goseak janak
2018, poesia
96 orrialde
978-84-17051-20-4
azala: Ainara Lasa Perez
Idurre Eskisabel Larraņaga
1970, Beasain
 
2019, saiakera
 

 

BESTIARIOAK

 

 

Hortzetaraino armatutako erloju jazartzaileek

bahitu didate loa,

prekarietatearen ertzeko amildegiek,

niaren gose aseezin

eta elikagarritasun urriak,

hustutako maitasunek,

bakardadearen osoak,

loturen malguak,

askatasunaren kateek,

albokoaren baitan narrasean dabilen suge pozoitsuak,

nigan esnatzen den zakurrak

 

Jaiki egin naiz

barne bakeagatik borrokatzera,

atseden promesaren bila:

naturistak saldutako tisana bat, oraingoan

 

Orduan ikusi dut leiho zirrikitutik:

Ilargia

betea

biribila

 

Amonaren larridurak

behatu zituen ilargi bera,

tximistek,

goseak,

Mariren meneko gauekoek bezala

Elizaren infernuak

piztutako amesgaiztoen lekukoa,

arau zaharren zein ordena berriaren larderiak

ikaratzen zuten amonaren lo bahituena,

umetan belaun gainean hartuta

“arre-arre mandako” ka

beste mundualdi batzuetara

zamalkatzen ninduen

amonarena

 

Ilargia

 

Ilargi hura bera