Arrotz eta eder
Arrotz eta eder
2016, poesia
136 orrialde
978-84-92468-85-0
azala: Xabi Erratzu
Pako Aristi
1963, Urrestilla
 
2014, poesia
2003, poesia
2001, poesia
 

 

MANDUBIAKO PORTUAN

 

 

Erraza da hitz egitea

aberats zarenean

diruaren hutsaltasunaz.

 

Ezinezkoa, aldiz, jabetzea

indartsu zaudenean

noizbait minik gabe paseatzea

miragarri izan litekeenik.

 

Maitatua zinenean nola uste

abandonuaren orubean

irribarre bat, dei bat

altxor bihurtuko zirenik.

 

Zer da katarsia,

pentsamendu ororen

iraungipena ez bada,

itsas orro soila entzuteko?

 

Zer da estasia

azal biluziaren laztanek

orgasmoaren lilura bera

gainditzen dutenean?

 

Udaberriak lehertu ditu

hostotza hertsiak

belatz berde eta

lurraren aro lotiak.

 

Gozatu ditu

zaurien ausikiak,

eta erraza da

ez pentsatzea,

ez oroitzea,

ez hitz egitea.

 

Idatzi gabe ere

begietara datorren

kolore uholdearen erasoari

zure bizitza bera

eskaintzea.