Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

GILTZA

 

 

Hartu giltza:

ireki zure barrua,

jalgi zure errena,

zure alde erratua.

Bidaiatu lubakiaren bestaldera,

beste horrenbeste garenon lurraldera.

 

Hartu giltza:

alda dezagun erretratua,

grisa bilaka koloretsua,

hezurra haragitsua,

matxoa maritxua,

Txanogorritxu otsoa,

laranja erdia osoa.

 

Hartu giltza:

eragin sarrailari,

irauli zure barrua,

hautsi inposatua,

dasta debekatua,

izan bekatua.

 

Normala norma bada

hobe izan nomada.

Arauekiko

             ez etiko

             antipatiko

gorputz atipiko

             anatomiko

             anotomiko

             atomiko

             despistatua.