Kapital publikoa
Kapital publikoa
2014, poesia
104 orrialde
978-84-92468-64-5
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

PENDULOA

 

eguzkia batzuetan zuhaitz urduria da

betaurreko kristalari batzuetan

jatorrizko hondarra loratzen zaio

eta orduan sakon ikusten da iragana

 

bakea batzuetan tokiz aldatzen du haizeak

eta argazkietatik kanpo amiltzen dira

gizon-emakumeak —zerraldo ia beti—

 

batzuetan ezer askorik arriskatu gabe zeken

maitasunaren esperoan jartzen bagara

oso luze samarrak gertatzen dira gauak —egunak barne—

 

batzuetan triku baten baitan bilduta bizi gara

batzuetan ahuspez besoak zabalik luze-luze

batzuetan haurrak bezala jagoten ditugu injustiziak

eta albotik pasatzen dira tristura eta trafikoa

 

eguzkia batzuetan izar erdipurdikoa da

batzuetan jendea da eguzkia argitzen duena

eta jendea ere batzuetan zuhaitz urduria da