Kapital publikoa
Kapital publikoa
2014, poesia
104 orrialde
978-84-92468-64-5
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2007, poesia
2000, poesia
1999, narrazioak
1995, poesia
1990, poesia
1987, poesia
 

 

BAKEAREN SEME-ALABAK

 

gerraren aurrietatik sortuak gara

gosearen zirtziletatik gatoz

gezurraren zutabeetan gora hazi ginen

 

dena egina zegoen ordurako

eta azkenean ondo bizi eta

laketu egin ginen:

aurrien artean dirua zegoen

zirtziletan bildu zizkiguten

otzan izateko estakuru sailak

zutabeetan gora egin eta

ikus zitekeen zohargia

hizkera bat erauzi eta

fedearen harra txertatu ziguten

eta arima hilak jarri agintearen mirabe

lasta suekin biribilean

 

protesta egin genuen

baina ez aski sendo

eta ez aski gora

 

izugarriak gertatu ziren:

handizkako abandonua

harlangaitza garraio urdailean

eta galduko ez bazen

poza inoren begietatik

gorde beharra

eta berriro bakea erein genuen

auzoen gerra ezti eta

geure gezur mikatzen soroetan...

idatzita baitzegoen

azkenean batzuk ondo bizi

eta denok laketu egingo ginela