ATEARI BEGIRA

Göstan Agrenek bazekien

ihes egiteko aukera dela

inork galdu nahi ez duen askatasuna.

Zabalik dauden ateei begira geratu,

itxi arte aukerak

eta galdu arte bideak.

Zuk badakizu

ate batzuk ez direla irekita egoteko asmatu,

haietan ez dagoela giltzentzako sarrailarik,

maratilarik atea zarratu edo zabaltzeko.

Göstan Agrenek ez zekien

leiho guztiek ez dutela hotzetik babesten.

Zuk badakizu

ate denek ez dutela kalera ematen...