Hodeiak zapatetan
Hodeiak zapatetan
2014, poesia
80 orrialde
978-84-92468-56-0
azala: Gari Berasaluze
Mikel Etxaburu
1969, Ondarroa
 
 

 

SORGIN-BELARRA

 

Ikasi dugu

negar malkoetan belar usainaz loak hartzen,

kresalaren zipriztinetan begien oroitzak sikatzen,

eta egur erorian hostoak margotzen

haizetik haizera, enborretik enborrera.

 

Udazkeneko sorgin-belarra da gure herria,

haize ufada bakoitzak haziak deserriratu dituena.

 

Haiek ere badakite

sorgin-belar batek

hamaika hosto dituela,

eta bi sorgin-belarrek

hogei eta bi amets,

eta hogeita bi sorgin-belarrek

milaka aukera...

Haizeek ere badakite

milaka sorgin-belar behar direla

egur erorian hostoak margotzeko