Sinplistak
Sinplistak
2012, poesia
120 orrialde
978-84-92468-42-3
azala: Alain Urrutia
Hedoi Etxarte
1986, Iruņea
 
2021, poesia
2008, poesia
 

 

NIRE BURUAREN KARIKATURA

 

 

                Ez dute Napoleon zaharraren karikaturaren

                karikatura soilik egin,

                Napoleon zaharraren beraren

                karikatura ere egin dute.

                                                                      Karl Marx

 

                Gizakiaren karikatura naiz

                herriaren mespretxua.

                Egunkari guztietan trufatzen dira nitaz.

                                                    Ernesto Cardenal

 

 

Aritz Zabalak Garbi Ramosi

bere buruaren karikatura dela ohartarazi dio.

 

Alternatibaren prentsa ofizialak

autoritatearen aurkako gudua hasi du.

Letren abangoardiak pantailan azaldu zuen

lider faxisten eta estalinisten arteko aldea.

Zabalaren eta Ramosen herriko

eszenatokietan ere denetarik dago:

txalo guztiak jasotzen dituzten diktadoreak

eta txaloak bueltatzen dituzten

«ni-zuek-bezala-historiaren-tresna-besterik-ez-naiz»

dioten antiautoritarioak-edo. Xentimoak ez dituzte

ordea populuarekin partekatzen.

 

Bai, Garbi Ramos bere ahotsa entzuten ari da,

Aritz Zabalak entzuteari utzi diolako,

Aritz Zabalak ez duelako eskurik.

Aritz Zabala epaitondo antzua da.

 

Hau ez da egozentrismo ariketa bat. Garbi

Ramos zurztasuna baieztatzen ari da soilik.