DEITU

deitu utopia nahi baduzu

deitu datorkeen etorkizuna

gaua betirako balitz legez hedatu da

eta nondik norako ahalbidean

elkarrengandik asko urrundu gabe

egin dezakegu harago dagoen azkorrira

deitu ipar-haizea nahi izanez gero

deitu itxaropenaren gramatika

ukazioaren gorabehera amaigabean

zenbat iraungo dugun ez dakigula

uneak igaroan doaz besterik gabe

norabide bereko paraleloetatik landa

geroak zer ekarriko duen ez dakigu

zerua urrunduko den instantean baina

deitu insomnioa amesgaiztoen ifrentzuari