BESTE HARAGO BATERA

denborak dena sendatzen duela irakurria dut

sumendi itzalia naiz baina

ziklikoki eztanda egiten duena

hau ez den beste harago batera

egin nahi nuke orainak trukatuz

isiltasunetik hurren dagoen

mintzora etor nadin azken aldian bezala

uste baino zabalagoak dira zaurien kontinenteak

goiz hotzeko abenidetan

eta bakardadearentzat bildutako poemak

guztiontzako poema bilakatu dira paper zirriborroetan

badakizu ez diodala iraganari itzultzen utziko

ez dut pentsamendu txarrenen gatibu bizi nahi

betiko galzorian babestu nahi

aurrera egingo dut desoren honetan

bideak jarraipenik duen jakin gabe ere

aurrera joanean datorren abiapuntutik

ezinezko muga guztiak zeharkatuz

une guztiak pilatzen diren oroimen itsura

nora gabe beharbada

noraez ziurrenik

asago ahal baldin bada

hau ez den beste harago batera

irakurria dut ezen

badela iparra seinalatzen duen ipar-izar bat

haren atzetik ibilki egiten dut etenik gabe

helmuga jakinik gabe akaso

noranahi eta nonahi

hatsanka

gaur begiek eramaten nauten lekukoa naiz