IRAUN

iraun egin behar duzu

arrisku guztien gainetik

ukaldien azpitik

iraun ataka gaiztotik eginez

elkarren hondoa haztatuz

arteria nagusiak kausitu arte

hazion minberak jasoko ditugun arte

ezkutuan ditugun garrasi-aiztoak

jasanezin direino

iraun gogo zartatuokin

bularretako armarri pitzatuak

harrietan fosildu arte

ezinaren arroiletatik irten arte

harea idorrean

erbesteak desegiten direino

nahi duzun guztia

baina iraun

uhinen ahoskeran itzultzen zaren arte