ITUNA

etzan gaitezen zure ohe margul horretan

argiaren soketan sorgin-orratzak bezala

jarri besoa nire gerrian

eskudel bat behar dut arroilara begiratzeko

ez daukat hogei urte

ez nuke edonon topako berbalagunik

eta garestiegia da maitasuna

azaldu gure aritmetikak bere legeak dituela

galdetu zergatik hazi naizen hainbeste eta hain urrun

nire izena gosaldu gabe bizi izan bazara edo

euria nire klitorian berriz ikusi barik edo

olatu honen falta zure oholpean igarri ez arren

eman zure begiak argizaiola bat

saiak putzuaren ertzetik uxatzeko

har nazazu zure alaba banintz lez

kontsola nazazu mundutik