Haragizko amoreak
Haragizko amoreak
2010, poesia
88 orrialde
978-84-92468-17-1
azala: Joseba Barrenetxea
Edorta Jimenez
1953, Mundaka
 
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1986, poesia
1985, poesia
 

 

UGERTUKO DA TITANIOA

 

Molekula-egitura demonioa:

burdina ugertu ohi den legez

—egon egotearen egote hutsez—

urdinduko da inoiz titanioa.

 

(ugertuko da titanioa, Graziana,

amoniteak desagertu ziren eran)

 

Ordurako lekutan gu eta jainkoa,

nor gogoratuko da gure ametsez,

noizbait izan ote garen ala ez,

esateko Izan ziren!, horra gakoa.

 

(itsasoa hor da ehun milioi urtean,

geu gara ba amoniteak izan zirena)

 

Tartean gorputzek duten distira,

argiak dakarren bizi-kemena,

poza, grina, gugan bizirik dira.

 

(holaxe da orain biribil uzkia

behialako amonitearen irudira)

 

Berriz ezin izango orain garena,

lot gaitezen elkarren altzo eztira,

ez gara-eta metalen ugazabena.

 

(haragiaren malgua, hara, begira

hor gorderik dena, zinez da guria)