Haragizko amoreak
Haragizko amoreak
2010, poesia
88 orrialde
978-84-92468-17-1
azala: Joseba Barrenetxea
Edorta Jimenez
1953, Mundaka
 
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1986, poesia
1985, poesia
 

 

GRAN VIA AVENUE

 

Maniki / panpina / andrakilen buruak

                                    erakusleihoetan

kimioterapiaren ostean

              gutariko beste edonor

                                                legez

manikien buruak erakusleihoetan

kimioterapiaren ondoko buruak

buruak erakusleihoetako manikiek

ilerik barik, ileak galdurik

kimioterapiaren ostean legez

—Vogue, Elle, Marie Claire,

                                  Man!—

metalezko sagarreko harrak

                                      paseoan

                                                  eta

kimioterapiaren osteko buruak

erakusleihoetan.    Erakusleihoetan

—trilita, dinamita, kryptonita—

manikien buruak ile barik

kimioterapia eman zaionari legez

—zu zeu ere

              Bat-Man,

                      Cat-Woman,

                              modan zoaz-eta,

                                              bakea—

hiritarrak paseoan erakusleihoaren

parean manikiak terapia kimikoa

jasan ostean legez —eri bizi-bizien

                                            laztana:

izpiak, erradiazioak;          metalak:

beruna, titanioa, burdina;          eta

gas arinen pisua: argona, feona—

kimioterapiaren ostean ileak

                            galdutakoak legez

manikiak.      Manikiak / panpinak /

andrakilak / kimioterapiaren osteko

buruak lakoekin:

                          gorputzak artez

besoak airean josita      begietan

argirik ez    soina jantzita modan

zein eder!

                    —eros, eros, eros!—

                        Kimioterapiaren

osteko buruak lakoak:

                                  manikienak.

Kosmopoliko hiritarrak / metalezko

sagar azaleko harrak / paseoan

manikien parean. Kosmopolia

arratsaldez. Zorion betean.