LAZTAN NAZAZUE

Kristal bako leihoetako frankotiratzaileok, begira nazazue.

Ate lehertuen jendetza asaldatuok, bila nazazue.

Urruneko pinuen ahotsok, laztan nazazue.

Urpeko ispiluetako aurpegiok, atzeman nazazue.

Gardentasunaren beso zaintsuok, altxa nazazue.

Urruneko pinuen ahotsok, laztan nazazue.

Gela hutsetako mamuok, eraman nazazue.

Txikitako oroitzapenetako lekaimeok, urka nazazue.

Urruneko pinuen ahotsok, laztan nazazue.