IRAGANA

Nire iragana leiho bat da,

kiribildurik dagoen koloreetako sugea,

kaxa karratua, glaziarretako harri arrosa,

hondalezeetatik igotako burbuila,

esku bat, aieruz,

zeruertz metalikoa, planoa,

eraztun baten forma,

orratz baten beldurra.

Nire iragana

gomutatzen dudan

apurrak osatzen du.

Ahoetan diren izenak,

espazio iragangaitza,

odolbilduaren koloreko masusta,

biluztasunaren instantea,

asfaltoaren metrika,

usu ikusitako argazki batzuk,

gertatu ez zena.

Nire iragana

gomutatzen dudan

apurrak osatzen du.