Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

ORDEZKO HAGINA

 

haginlari lagunak

hagin distiratsua ezarri dit

eskuin matelezur erditsuan

hobi sakona gertatu dio hilabetez

zula eta zula aurrena

enkofratu zehatza burutu

eta betelanari lotu zaio gero

 

arnasarekin lausotu dizkiot arratsalde asko

zuloari horma egin dio egoki txertatzeko

eta kristalezko haginaren oinean

zementua oparo banatu

bitartean prentsak berriak ematen jarraitu du

ilargiak birritan egin du goitik behera

 

haginlariak ispilua paratu dio

—lilura hartan sorgindu guran edo—

hagin etorri berria argi ikus dezadan

neure senti dezadan

eta abaro mundutarraren jabe

eginkizun zerutiarrei atxiki

 

arraberritzearen seinale zatekeen hagina

kristalezko txerto soil ez balitz...

miretsirik abiatu naiz etxera

kantu lanbrotsuen leloak murduskatuz

nire mihiaren gau itsuen argigarri

hagin bat baino atoi astuna

izar izoztu bat erantsi didalako

 

bentzutu nau azkenean

erresistentzia oro uxatu da

badator barrunbeen inbasioa:

Paris okupatu

kanpoeder bat naiz

kolaboz betea ahoa...