Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

NO MAN'S LAND

 

«nahi baduzu bada no man's land bat

no woman's land bat

inor gabeko lur bat

aukeran dira:

hiriak kronikak ibai bazterrak

zaldi gaineko estatuekiko zumardia

eta oin beste ihesbide»

 

neure ahotsa entzun dut

nire buruari jomuga turistikoa

saltzen ari banintzaio legez

bihotz nekatu bat bezain

zahar eta erori

 

ez dut neure larrua eta hezurrak

beste lurrik behar

bakarrik egon nahi dut

betierekoan indarra izango duen

erabakiaren zamaz egon

neure hitzek baino

neure ekintzek eta zentzumenek

besterik ez nazaten engaina

 

ez dut galdutakoa deitoratuko

bakarrik egongo naiz

egon

hotsak guruinak mintzak

edonondik jausten

alfonbra maiztuen gainera

 

no land's woman

no land's man bat naiz

beti nago entzuteko

paralelo eta meridiano lerroen artean

trabatutako jendea joan-etorrian:

mintzoa eztula pausoak...

 

inor gabeko lur

eta lurrik gabeko inor

izan nahi dut