Erlojuen mekanika
Erlojuen mekanika
2007, poesia
96 orrialde
978-84-95511-99-7
azala: Xabier Gantzarain
Jose Luis Otamendi
1959, Azpeitia
 
2022, poesia
2019, poesia
2014, poesia
2000, poesia
1999, narrazioak
1995, poesia
1990, poesia
1987, poesia
 

 

OGIAREN KONKISTA

 

badago ogi apurrak nola jaso

erakusten duen artea

begirada non tinkatu

makurtzeko manera...

eskua luzatu

hatz artean dakarzun papurra

halako batean lanbroak jandako herria da

paper loratuko logela

 

lanik gabe dagoen auzoa

afaria gertatzen ari da laurontzat

azken asteko gerriko min hori

zerk sortua dizun

irratiko ahots eztiak azal diezagun

jarri gara zain denak

 

igogailuen marruma entzuten dela

adiskidetasunarekikoak ardailarik gabe betez

jan ditugu mahai gainekoak

—justiziarekin batera ote daiteke askatasuna...—

ardoak eta solasak

ematu digu bakailaoaren gazia

zigarro keak erretako begietan

pausatu zait bekozkoen argia...

etxerakoan lagun izan ditut

patrika zokoan aterpe hartutako ogi apurrak

 

maindire artean

galdatu du babesa birrin sortak:

ogia zu eta hiruok

ménage a mille

ogia epai eta kondena

interfono bat da gela

munduko min orok du hemen eztarri

elkarren nekazari

neka arazi dugu elkar

ogia mihi eta opil