METEOSAT

zelako patu tristeko piztiak

euria egin behar duelarik

eguraldi txarra datorrela

iragartzen diguten mezulariak!

        matxingorri

        matxingorri

        gaur eguzki

        bihar euri!

gu aterkiaren azpian

erauntsiak lepoz lepo bilduak

elkarri diezazkiogun isilekoak solasta

eta inoiz baino libreago zu

hankabiko barraskiloa

putzuetan plisti guregana plasta

        matxingorri

        matxingorri

        gaur eguzki

        bihar euri!

zelako patu tristeko piztiak

euria datorrelarik

barraskiloen poza

ezin eraman duten mezalariak!