Ezkatak
Ezkatak
2006, poesia
80 orrialde
84-95511-80-0
azala: Xabier Gantzarain
Leire Bilbao
1978, Ondarroa
 
2011, poesia
 

 

MUDATZEN

 

Bere umezaroaz erantzi zenetik dago mudatua.

Azal geruza bat falta zaiola esaten du berak.

Kale bazterren batean utziko zuen

kamiseta zaharrak uzten diren lez

korapilo bat eginda.

 

Oraindik azkura ematen diote oroiminek,

zaurian hazka egitearen

plazerarekin askiesten da.

 

Azal geruza bat gutxiago daukala

esaten du berak urtaro bakoitzean.

Non biluztuko ote da hain azkar.