Ezkatak
Ezkatak
2006, poesia
80 orrialde
84-95511-80-0
azala: Xabier Gantzarain
Leire Bilbao
1978, Ondarroa
 
2011, poesia
 

 

EMASABELA

 

Emasabel guztiak ez dira haurrez husten,

ez dira bizitzarekin bakarrik puzten.

Neurea odolez husten da, uzten bada.

 

Umetu gura nuke,

bizi mina sumatu,

erdibitu barik erditu,

hats epela ahozulotik putz egiten sentitu.

 

Odolez husten naiz, uzten banaiz

errekasto bat taupadaka bezala.

 

Ekarrizu esku bat eta sentitu

nire sabeleko harriak odoletan,

kazkabarra bezala ostikoka,

bizirik nagoela esaten.