Birika zatiak
Birika zatiak
2004, poesia
88 orrialde
84-95511-66-5
azala: Iņigo Borda
Xabi Borda
1981, Azpeitia
 
 

 

NEGU LUZEA

 

bost urtaro iraun zituen neguak

elur beltzez estali zitzaizkigun teilatu eroriak

 

enarak zurrunduta jausten ziren habietatik

haurrek elkarri jaurtitzeko lumazko harriak

 

behiek ur gardena baino ez zuten ematen

labetik ateratako izozkiak jaten genituen

 

egur hezeez irazeki genuen suari

txinpartak falta zitzaizkion beroa izateko

 

ontziak ez ziren portura arrimatzen

aingurak harkaizpean trabatuak

 

haizeak zakar eramaten zituen

aurpegia berotzen hasi aurretik

masailetan irristatzen zitzaizkigun malkoak

 

eta ilargia betirako abandonatu gintuen ama