EGURALDI IRAGARPENA

giza ekaitzak aurresan ditu egunotarako

eguraldi iragarleak irratian

hodeiek eskualdea hartzea espero da

tximistak trumoiak

altzairuzko izotz harriak

eta euria ozeano bat betetzeko beste

haize zakarra izango dugu

mendebaldetik ekialdera

aireportuak zubiak etxeak

lipar batean erauziko dira

ez omen da itsasgorarik izango

itsasoa beldur bide da eta urrun nahi gaitu

aise asetuko dira egarri diren padurak

petalo bakarreko loreez estaliko ordekak