Izozmendiak
Izozmendiak
2003, poesia
96 orrialde
84-95511-58-4
azala: Jugatx Duņabeitia
Juanra Madariaga
1962, Bilbo
 
2009, poesia
1992, poesia
 

 

INPLANTEAK

 

Ez naiz dagoeneko ezertaz gogoratzen.

Ametsaren ileen artean egiten dut ihes

Jainko batek oparitu dizkidan eztizko eskuez.

Larreetan, gizaki primitiboek

ilunabarra izan daitekeenari harrera egiten diote

biluzik, ikaraz,

kanaberetako zozo geldien antzo.

Hemoglobinaren koloreak nire eskuak hartu ditu

zuri inpresionismoa zer den adierazteko.

Armairu jelatuetako mendietan doa gizona,

oinutsik, errugabe, bekatuzko tentazioekin,

zeren alde jakin barik.

Ez dira zure begiak mundua desorekatzeko gai.

Ez dira nire iraganak zizelkatu nahi zintuen

pertsonarentzako inplanteak.

Lehenengo kalostroa izango zara beti.

Astiro hil nahiko lukeenaren begirada ezkorraz diot.