Deserriko karrikak
Deserriko karrikak
2002, poesia
88 orrialde
84-95511-54-1
azala: Garbińe Ubeda
Mikel Ibarguren
1967, Zestoa
 
2011, poesia
1996, poesia
 

 

BALIO ERANTSIAREN ZERGA

 

Ez gaude elkarri menia emateko prest.

Luberritu gabeko pentzeetan zahartu dira iragan urrunak,

galerarik astunenak lerratu zaizkigu lepo gainera,

eta ubideak ez daude guk nahi genukeen aldera ezarriak.

Gauaren betzuloetan pilatu ditugu garaitza amestuak,

ezin dastatuan gabiltza egunaren argia.

Izu-ikararen barrunbeetara heldu gara,

baina gaurko egunak zure ondora narama ezinbestean.

Luze iraun badezake ere,

ez ditugu behartuko gure bizkarrak besteren otoitzetara.

Aldian-aldian baino ezin zaitzaket ikusi;

kale hartuotan dena dago irabazteko,

bakea izan ezik.