Anemometroa
Anemometroa
1998, poesia
96 orrialde
84-86766-85-0
azala: Kenneth Noland
azalaren diseinua: Borja Estankona
Igor Estankona
1977, Artea
 
2020, poesia
2009, poesia
2002, poesia
 

 

TRAJE BELTZA JANTZITA

 

Auzuneko umeak tronpeta-jolearen inguruan

eseri dira.

Sonnyk traje beltza jantzi du

eta ilea busti.

Patata frijituen usaina dator sukaldeko leihotik.

Ez da kontzertu itzel honen grabaziorik

inoiz

egingo.

Eskuarekin lakuan jaiotzen diren

euliak uxatu

eta lehen nota irten da

nostalgiaz blaituta.

Gero berlina zahar bat pasatu arte

itxaron dute.

Hiru segundo. Bi. Bat.

Musika zabaltzen hasi da

geldiro

ilea hazten den abiaduran.

Umeek ortozik erritmoa zuzentzen dute

Afrikarantz.